قولي عقلك فين يا إبني.
إيد تهد وإيد بتبني
والكنيسه بتبني جامع
و الدواعش بتحاربني
إيد بتزرع في السنابل
وايد بترسم بالقنابل
والبارود غير المدافع
حرف جاهل جاي يصيبني
حرف جاهل في الكتابه
جوه قطعان الديابه
جاي بيغرس فينا نابه ( نابو )
إبن أوي في ألف غابه
للدواعش رأيه سوده
بالفواحش لابسه موضه
و(ف) قلوبهم حقد دامس
نار بتغلي م الحموضه
دي الجهالة نار حقوده
م الصهاينه ومن يهودا
تزرع الأرض بقنابل
تقتل الألغام شنوده
تقتل الإسلام يا طه
اللي ضييه كان خطاها
اللي نوره كان سنابل
ضيه شمس ونور ضحاها
يا اللي ارهابك عباده
بس لشيطان السياده
والسياده (عدوانية) صهيونيه
جاييه تشرب قهوه ساده
الجهاله رأس أفعي
وبسمومها جاييه تسعي
ولشبابنا جاييه قاصده
تبني قاعده قبورها واسعه
خلي بالك من سمومها
العقارب وفي هجومها
جيش دواعش رأيته سوده
في بحر دمك مين يلومها
بص جنبك بص خلفك
يقتلك لو يوم يخالفك
اللي عقله تحت رجله
انت عارفه و هو عارفك
اللي كفرنا بجهاله
هو مسلم ( دا ) استحاله
اللي باع عقله بدراهم
هو ( دا)اصل لعماله
أي إرهابي وجبان
أصله تعلب العوبان
ديب وناب الكلب أزرق
جي بينهش في الأمان
جي بينهش فيك بجهله
اللي بايع كل أهله
باع في دينه برايه سوده
لما إبليس قام نده له
وانتوا يا شيوخ المنابر
اللي ساكن واللي عابر
زودوا في الجهد حبه
ع اللي عايش في المقابر
وانت ياإعلام بلادي
الأدان عمال ينادي
ع الأيادي تقوم تدافع
عن وطن يسكن فؤادي
بس يا خسارة بفلوسنا
بيها ليه تطفوا في فانوسنا
ياشاشات ( الروم ) كفايه
ألف كسري جي يدوسنا
والقياصر من زمان
جاييه ومعاها الرومان
بس هم بلبس داعش
كان تالتهم الشيطان
